Kaas en brood het teen die tyd al waarskynlik sterstatus by elke ma of kosmaker verdien.
Dis heilsame kos, vinnige kos, trooskos, veelsydige kos, pasmaats en sorgkos wat op elke tafel tuis is.
In resepteboeke bly kaas bobaas en op spyskaarte in restaurante ewe gebruikersvriendelik. Dis ’n vinnige ete in vele gedaantes Saam met vye en roket kry kaas cordon bleu-status. En as geroosterde broodjie saam met enigiets het dit kwalik sy gelyke.
Vra Die Pos verlede week ’n uithaler-kok op Bela-Bela (sy het ook vele ander talente) vir ’n brood-en-kaas-resep.
Sy verwys my summier na formidabele vrou nr. 2, ook van Bela-Bela. Nee, sę sy, “ek is ’n Wenresepte-kok”. Vir my kan dit (die resepte) nie beter nie. Sy is baie lief vir kosmaak en bak, bieg sy, maar haar resepte kom uit Wenresepte. Ons is vandeesweek terug by formidabele vrou 1. Terloops haar beesstertbredie is ook legendaries op die dorp. (En as haar gaste moeg raak, mag hulle solank op haar mat rus terwyl sy die nagereg voorberei.)
Haar vrygewige hart versag. Die resepte kan Die Pos-lesers kry, maar nie haar naam nie. Hoogstens dat sy en van haar vriendinne “die Boksombende” is. Die kaasbal en haar aartappelsuurdeegbrood of die growwe bruinbrood, is by lede van die kuierbende alte bekend.
Hoop die lesers geniet dit ook!