Metode:
1. Braai die seldery en wortels liggies in olie in ’n ysterpot om die geur te ontwikkel.
2. Skep uit en braai die skenkels ’n paar op ’n slag tot effens bruin aan albei kante. ’n Mens kan ook die skenkels op die gasbraaier braai tot net bruin.
3. Plaas al die vleis terug in die pot, skep groente bo-op.
4. Gooi eers beesvleisaftreksel oor, dan die pakkie sous. Moenie roer nie.
5. Sprinkel goed met sout en peper (onthou sous en aftreksel het reeds sout).
6. Prut 1–2 uur bo op die stoof of in die oond.
7. Hou dop, as die sous min raak, kan jy nog aftreksel, ’n glas rooiwyn of selfs nog ’n pakkie sous byvoeg.
8. Bedien net so in die ysterpot, met rys of koeskoes en hoogstens ’n vars slaai vir groente.