Heila se heerlike sagopoeding

Op Vaalwater is Heila Harms deel van 'n saamgestelde gesin van drie geslagte in een huis.
Daar kom haar liefde en besondere vaardigheid in die kombuis natuurlik baie handig te pas. Almal eet baie lekker en smul graag aan die lekkernye. Sy sit graag hand by in die kombuis om die huishouding vir haar dogter Charmaine te vergemaklik.
Heila is veral onder die kinders en kleinkinders bekend vir haar heerlike sagopoeding. Sy vertel dat hierdie 'n resep is wat sy by haar ma gekry het, wat dit weer by háár ma en dié se ma gekry het. 'n Mens sal ook sien , sê Heila, dat dit nie sommer die gewone resep is waar jy net alles bymekaar gooi nie. Dit word met sorg gemaak en met smaak geëet.