HOME / VOORBLAD
NEWS/NUUS
DIARY/DAGBOEK
HAPPENINGS
JOLIFIKASIES
WEATHER/WEER
SMALLS / KITSGIDS
FARMING/BOERDERY
LETTERS/BRIEWE
TITBITS/ONS HOOR
STOP
CRIME/MISDAAD
SPORT
WOMEN/VROUE
RECIPES/RESEPTE
INDEX/INDEKS
CONTACT US
KONTAK ONS
EMERGENCY NUMBERS
NOODNOMMERS
CHILDREN'S FUND
KINDERFONDS
|
Non-Java Browsers: Back to recipe index
Annatie se winterpoeding
Antionette Cloete van Vleuels Versekering op Bela-Bela (Warmbad) is iemand wat hou van lekker kos, lekker kuier en lekker eet.
“Neem my af met julle maer-kamera!” skerm sy ook sommer gou (heeltemal onnodig, natuurlik!) vir Die Pos se fotograaf.
Antionette het ’n heerlike winterpoeding-resep wat sy “Ma Annatjie se winterpoeding” noem. Dit word nog op “die ou manier gemaak, met lepels, knippies en koppies”, vertel sy. Haar oorlede ma het altyd dié poeding gemaak en Antionette het daarmee grootgeword. Dit is maklik en heerlik en bring boonop soete herinneringe.
Bestanddele:
4 eetlepels koekmeel, hoogvol
3 eetlepels suiker, hoogvol
3 eetlepels botter, hoogvol
3 eetlepels appelkooskonfyt, hoogvol
2 groot eiers
½ teelepels koeksoda
knippie sout
Metode:
Klits botter en suiker tot romerig.
Voeg eiers een vir een by en klits goed.
Klits droë bestanddele by botter- en eiermengsel.
Voeg konfyt laaste by.
Stoom vir een uur lank in ’n bak water bo-op of in die oond.
Bedien met dun vla.
|
|
|
|
|