Die warm somerweer wat ons nou geniet (verduur) maak dat daar ’n groot belangstelling is in ’n lekker, opwindende slaai. So ’n slaai-resep het me. Petra Viljoen, bobaas bakster en bekend vir haar liefde om ander te onthaal, op Modimolle (Nylstroom). Sy is ook nog voltyds betrokke by haar man se onderneming, Knapie Viljoen Makelaars op die dorp. Toe sy onlangs met dié slaai by ’n braai-kuier opdaag, het dit baie komplimente uitgelok en sy het ingestem om dit met Die Pos te deel. Bestanddele: 2 pakkies spruitkool (broccoli), rou 250 ml ui, gekap 250 ml sonneblompitte 250 rosyne 1 blik mieliepitte 250 ml baba murgpampoentjie, in skyfies 125 ml kaasblokkies 250 gram spek gebraai Sous: 125 ml wit asyn 250 ml suiker 250 ml olie (kan minder gebruik) 5 ml sout 15 ml droë mosterd Klits alles goed saam en gooi oor slaai. (Maak die slaai die vorige dag vir optimale smaak).